In Straßburg der uralten statt Die man Argentorat qnand hatt
Der thurn erstlich vor Christi gburdt Von den Teutschen erbawet wurdt. Vnd Marti dem Heidnischen gott Zu ehrn geheiligt ohne spott, Biß kam Attila der Tyrann, Mit Hunen, der in verbrach dann, Vnd macht vil Straßen durch die statt Daher sie auch den Namen hatt, Als aber nach auß franckreich Kam Clodoueus der König Zam, Nahm er sich bald des thurnes an Vnd ließ widerumb Bawen dran, Im Iahr da man pflegte zu Zehln Nach Christo funffhundert vnd Zehn Dagobert der gross, ihn auß führtt Vnd mit Bisshofflich würden Ziertt, Vmbs Iahr sechshundert viertzig drey Vnd mit freyheitt begab dabey, Anno Tausendt Sibn er verbran Von dem Tonner geZundet an, Welchs damals leicht geschehn Kundt Weil er mehrtheil von holtz bay stundt, Nachmals noch 5 brunst glitten hatt Die ihm nich wenig dann geschadt, Nuhn den vnfall vnangesehn Ward im Iahr Tausendt vnd fünffZehn, Vndr Bischoff wernehr von Habspurg Dem vier vnd viertzigstn Zu Strasburg, Angefangen gelegt Zu werdn Das tieff Fundament in der Erdn, Welches man legt gantz Zehen Iahr Biß sichs der Erden gleichet gar, Wiewohl dran etlich Hundert man Ohn vnderlaß gearbeitt han, Erwin von Streinbach Bawherr war Der hatt gstelt die visierung Gar, Hie Zwischen aber Kam ein brunst Das solch müh würd Zum theil vmsunst, Im Iahr da man hatt geschriben Zwölffhundert sibentzig Siben, Den funff vnd Zwantzigsten May Zwar..